ედგარ ლუგო

უფროსი მწრვთნელი

ედგარ ლუგომ კალათბურთის თამაში სკოლაში დაიწყო. ნიუ-იორკში, ბრონქსში, William Howard Taft High School-ში თამაშისას საშუალოდ 27 ქულას აგროვებდა და 1999 წელს ბრონქსის წლის საუკეთესო მოთამაშედ დასახელდა.

შემდეგ სპორტული სტიპენდიით ბოსტონის უნივერსიტეტში ჩაირიცხა, სადაც პირველკურსელმა საშუალოდ 11 ქულა დააგროვა და კონფერენციის საუკეთესო პირველკურსელის ტიტული მოიპოვა. მოგვიანებით ნიუ-იორკში დაბრუნდა და ორი წელი Lehman College-ში ითამაშა, საშუალოდ 17 ქულით, 4 მოხსნით და 3 საგოლე გადაცემით.

პროფესიონალური კარიერა 2003 წელს დაიწყო და 2023 წლამდე გაგრძელდა. ამ პერიოდში თამაშობდა კოლუმბიაში, დომინიკის რესპუბლიკაში, პუერტო-რიკოში, ბრაზილიაში, ვენესუელასა და პარაგვაიში. მას ეკუთვნის სამქულიანი ტყორცნების რეკორდი ორ ქვეყანაში, ხოლო La Vega-ს ტურნირის ისტორიაში ყველაზე მეტი, 8 ჩემპიონობის რეკორდს იზიარებს.

2024 წლიდან პროფესიონალურ დონეზე მწვრთნელად მუშაობს: მწვრთნელის ასისტენტად, მოთამაშეების განვითარებასა და მენტორობაზე. 2026 წელს მწვრთნელის რანგში პირველი ჩემპიონობა მოიპოვა, დომინიკის რესპუბლიკის უმაღლესი ლიგის მოგებით.